Bilanci i vizitës së presidentit turk Erdogan, të hënën, në Tiranë ka një spektër të gjerë. Me pak fjalë ai mund të përmblidhet në konkretizim zotimesh të ndërsjellta për të forcuar më tej marrëdhëniet dypalëshe Turqi-Shqipëri dhe kushtëzim të tyre me goditjen e gülenistëve në Shqipëri. Gjatë 12 orëve të qëndrimit të tij në Shqipëri, (09.30-21.30) u nënshkruan shtatë marrëveshje bashkëpunimi përfshirë ato në fushën e medias, zbatimit të ligjit, emergjencave civile dhe kulturës. Erdogan inaguroi kompleksin me 522 apartamente të reja në bashkinë e Kurbinit, qarku i Lezhës , të prekur rëndë nga tërmeti shkatërrimtar i 26 nëntorit 2019, të financuar nga Turqia me një fond prej 42 milionë eurosh dhe siguroi për një rol konstruktiv të Turqisë në shërbim të paqes dhe stabilitetit në rajon.
Erdogan: Marrëdhëniet me Shqipërinë – më të qëndrueshmet në Ballkan
Inagurimi i 522 apartamenteve të reja është pjesë e konkretizimit të zotimit të Turqisë, në konferencën ndërkombëtare të donatorëve, më 17 shkurt 2020 në Bruksel për të mbështetur me 1 miliardë euro rimëkëmbjen e Shqipërisë nga tërmeti, strehuar mijra njerëz të mbetur pa banesa, rindërtuar godina publike, shkolla dhe spitale. Turqia rezulton vendi me donacionin më të lartë për rimëkëmjen e Shqipërisë nga tërmeti i sipërpërmendur. Në një deklaratë në prag të vizitës në Tiranë, presidenti turk Erdogan i vlerësoi marrëdhëniet me Shqipërinë, “një nga më të mirat dhe më të qëndrueshmet në Ballkan”. Ai theksoi se në Shqipëri operojnë “600 kompani turke, janë punësuar 15 mijë shqiptarë duke e bërë Turqinë investitorin dhe partnerin e saj më të madh tregtar.”
“Lidhjet mes dy vendeve janë në nivelin e partneritetit strategjik. Synojmë ta ꞔojmë në 1 miliardë dollarë vëllimin e tregëtisë dypalëshe. Në Shqipëri Turqia ka investuar 3,5 miliardë dollarë,” theksoi ai në deklaratën e tij. Me një fond prej 40 milionë euro qeveria turke po ndërton në qëndër të Tiranës, në një sipërfaqje prej 6 mijë metrash katrorë “Xhaminë e Namazgjasë,” një nga më të mëdhatë në Ballkan.
Kërkesa: Godisni FETO në Shqipëri, që marrëdhëniet tona mos të errësohen
Zotimin për forcim të mëtejshëm të marrëdhënieve me Shqipërinë presidenti turk Erdogan e kushtëzoi në Tiranë, të hënën (17.01), me goditjen e elementeve të organizatës së njohur me inicialet FETO, të drejtuar nga Fetullah Gülen, kundërshtari politik i presidentit Erdogan dhe të klasifikuar si organizatë terroriste pas grushtit të shtetit të 15 korrikut 2016, ku u vranë mbi 300 vetë dhe u plagosën rreth 2.100 të tjerë.
Lëvizja güleniste duket se ka ende kolegje private në Shqipëri, të ngritura me fondet e klerikut Fetullah Gülen të fokusuara në matematikë, shkenca dhe predikimin e një islami tolerant dhe reformator. Pas grushtit të shtetit, kur presidenti Erdogan vizitoi Tiranën 6 vjet më parë, ai u kërkoi autoriteteve të saj t’i godiste këto kolegje duke i mbyllur dhe dorëzuar mësuesit gülenistë. Kërkesa u përsërit me forcë edhe gjatë vizitës së djeshme në Tiranë. “Fakti që FETO është ende e aftë të gjejë fushë veprimi në vendin mik dhe vëlla, në Shqipëri, e lëndon thellë popullin turk. Pritshmëria jonë është që në periudhën që kemi përpara të ndërmerren masa më konkrete, vendimtare dhe hapa të shpejtë kundër strukturave të FETO-s në Shqipëri”, tha presidenti turk Erdogan në konferencën e përbashkët për shtyp me kryeministrin Rama.
Në fjalën përshëndetëse që ai mbajti në mbrëmjen e të hënës, në seancën e parë parlamentare të këtij viti, Erdogan shkoi më tej kur theksoi se ” ꞔështjen e FETOs e shohim si parakusht të vëllazërisë, miqësisë dhe partneritetit strategjik. Presim që Shqipëria të marrë masa të menjëhershme dhe të mos lejojë që marrëdhëniet tona të errësohen.”
Roli i Turqisë në rajon
Kryeministri Rama tha në konferencën e përbashkët për shtyp që “roli i Turqisë në rajonin tonë është i pazëvendësueshëm, i patjetërsueshëm dhe pa diskutim një rol konstruktiv në funksion të paqes. Turqia është një valvul e pazëvendësueshme për BE”, theksoi Rama duke zhvleftësuar opinione të studiuesve dhe politologëve lidhur me përpjekjet e Turqisë për të fituar influencë politike dhe ekonomike në Ballkanin Perëndimor. Presidenti Erdogan iu referua rolit që luan Turqia si vend anëtar i NATO-s kur tha në konferencën e përbashkër për shtyp se Turqia „ do të vazhdojë të bëjë detyrat siç ka bërë deri tani. Për Ballkanin është e rëndësishme qetësia dhe qëndrueshmëria. Turqia do të bëjë çfarë është e nevojshme për qetësinë e Ballkanit, për të siguruar dhe garantuar një të ardhme paqësore.”/DW
Ne kete pike, me mire te erresohen o plak matuf i rrjedhur pas Fetos!
Keshtu shpetojne edhe vasalet e tu te vilajetit te RSH….
O —Erdogan–sa te kemi Skenderbeun e Spiropalles as e rruajme Trapin fare.Megjithe ate qe pas vdekjes te Skenderbeut te vertete pas 700 vjetesh a me shume a me pak e pushtove Shqiperine me ndihmen e –Hamzait-te Spiropalles dhe jo te Skenderbeut.
Perandoria romake pat pushtuar jo vetëm pjesën më të madhe të Europës por edhe pjesë të azisë e Afrikës veriore për gati 1000 vite. Pjesë e atij pushtimi ishte edhe Gadishulli Iirik ku dominonin paraardhësit tonë, fiset ilire.
Pas perandorisë romake , Gadishulli ilirik u pushtua për 500 vite nga një perandori tjetër , ajo otomane.
Padyshim se të gjitha luftërat pushtuese , i kanë sjellë njerëzimit në gjithë historinë e tij, viktima e dëme të shumta.
Por është pranuar nga shumë historianë që veç negativitetit të pushtimit me dhunë e vrasje, perandoria Romake i solli zonave ku vendosi sundimin e saj, edhe pjesë të kulturës e civilizimit të avancuar të Romës antike.
Por çfarë i solli Gadishullit Ilirik apo viseve të banuara nga shqiptarë, pushtimi otoman ?
Veç shkatërimit të principatave të fuqishme ilire, ajo zhduku edhe vlerat e civilizimit romak.
Fashizmi italian, pushtoi Shqipërinë me idetë ekspansioniste të Musolinit, qe desh të rikthente perandorinë romake..
Padyshim se edhe ky pushtim, si të gjitha luftërat pushtuese,ishte një luftë e pa drejtë, po përsëri , duhet të pranojmë faktin se gjatë këtij pushtimi kohë shkurtër, në Shqipëri e veçanërisht në Tiranë, pati ndërtime cilësore e ajo që është më e rëndësishmja, pas kaq shekujsh, kufijtë e teritoreve të banuara me shqiptarë në Ballkan, ju afruan kufijve realë e jo Shqipërisë londineze.
Sidoqoftë , Italia e pas Luftës së dytë botërore, e po ashtu edhe Gjermania ish naziste, pasi u kthyen në shtete demokratike, jo vetëm që ju kërkuan ndjese popujve të pushtuar, por edhe paguan shuma të mëdha dëmshpërblimesh të luftës.
Erdhi presidenti turk Erdogan në Shqipëri për të organizuar një ceremoni pompoze për ndihmat që dha ai për “vëllanë” e tij Ramën, duke përmendur 42 milionë eurot e rindërtimit të 522 banesave të shkatëruara nga tërmet.
Dëgjuam historira bajate për borxhe “vëllazërore”.
Po si nuk dëgjuam nga asnjë lider turk që nga reformatori Ataturk, për mizoritë që bëri perandoria osmane në vëndet e pushtuara.
Prapambetja kulturore e ekonomike e pushtimit turk për pesë shekuj, nuk mund të shlyhet me 42 milionë eurot e banesave të Laçit, por janë qindra miliarda për çdo shekull të pushtimit, ku ajo perandori nuk ndërtoi asgjë për të pushtuarit por vetëm i rropi ata me taksa e taksdarë.
Është pra Turqia borxhlie nga popujt që pushtoi e ju a shkretoi jetën për shekuj e jo ne shqiptarët që duheshka që përsëri ti bindemi fermaneve të sulltan Erdoganit.
Është e vërtetë që shqiptarët e një pjesë e sllavëve që përqafuan fenë islame, kanë një lidhje shpirtërore që vazhdon të ruhet edhe me Turqinë e sotme, por ama ne dijmë se në Turqi jetojnë mbi 5 milionë “qytetarë turq” me origjinë shqiptare, e një pjesë e tyre kanë kontribuar shumë në kulturën e shkencat e këtij shteti.
Pretendon Erdogan që në Shqipëri të hapen shkolla shqipe, sepse ka ……… një shumicë muslimane ?????????
Po si nuk është kujtuar që të hapë shkolla për mbi pesë milionë sqytetarët etnikisht me origjinë shqiptare në Turqi e ti njphë së paku si minoritet etnik ?
Nëse do të flitej për vëllazëri midis dy kombeve, duhej të ishte pranimi i këtij minoriteti shqiptar , ura lidhëse e këtij vëllazërimi e jo “vëllazërimi” Rama-Erdogan