• |
ide | kryesore

Ekspertët e UEFA-s në Kryeministri: në lojë siguria e finales së Conference League

-Instant, F1, Sport

Delegacioni i UEFA-s i përbërë nga Rémi Decouacon, Thomas Perrot e Denis Bastari i shoqëruar nga Presidenti i FSHF-së, Armand Duka dhe përfaqësues të tjerë të Federatës së Futbollit janë pritur sot në takimin e zhvilluar në ambientet e Kryeministrisë nga drejtues të lartë të institucioneve qeverisë qendrore dhe vendore, në kuadër të përgatitjeve për organizimin finalen e UEFA Europa Conference League, që do të luhet në stadiumin “Air Albania” më 25 maj 2022.

Në mbledhje u diskutua për disa çështje duke nisur që nga çështjet e mobilitetit që kanë të bëjnë me finalen e UEFA Europa Conference League në Tiranë, çështje të kapaciteteve akomoduese aeroportuale, kapacitetet e parkimit të fluturimeve çarter, transportin publik në tërësi përfshirë dhe atë Rinas-Tiranë e anasjelltas si dhe çështje të sigurisë.


Sekretari i Përgjithshëm i Kryeministrisë, Ëngjëll Agaçi garantoi se qeveria do të vijojë të japë të gjithë mbështetjen dhe marrë përgjegjësitë e saja për organizimin e eventit në nivelin që përfaqëson. Gjithashtu, nga Drejtori i Përgjithshëm i Policisë Shtetit, Gledis Nano u konfirmua se pavarësisht se ky event do të sjellë festim dhe promovimin e të gjitha vlerave të vendit tonë, angazhimi do të jetë maksimal për të garantuar rendin dhe sigurinë e çdo qytetari, tifozi e vizitori.

Ndërsa, Drejtori i Përgjithshëm Ekzekutiv i Aeroportit Ndërkombëtar të Tiranës, Constantin von Alvensleben gjithashtu shprehu besimin se pavarësisht vështirësive që mund të jenë hasur, do bëhet çdo gjë që nga pikëpamja e mobilitetit ky event të mirëpresë grupet e tifozerive dhe ata që do udhëtojnë drejt Tiranës për të shijuar finalen e parë historike të përmasave të tilla në vendin tonë. Diskutimet do të vijojnë në nivel teknik ku të gjitha institucionet prezente në këtë takim do të kenë përfaqësuesit e tyre për të koordinuar çdo detaj me ekspertët e UEFA-s.

Lini një Përgjigje

Adresa juaj email s’do të bëhet publike.

Kthehu