Policia ka mundur të arrestojë Vasil Priftin, rezident në SHBA teksa ka hyrë në Republikën e Shqipërisë përmes Rinasit. Vasili ishte shpallur në kërkim pasi është dënuar me 6 vite burg për mashtrim me pasoja të rënda.
Ai dyshohet se ka shitur një apartament banimi, duke përdorur dokumente të falsifikuara.
“Vijon puna për kapjen e personave në kërkim.
Kapet dhe vihet në pranga një shtetas i shpallur në kërkim për veprën penale “Mashtrimi” me pasoja të rënda.
Në vijim të punës për kapjen e personave të shpallur në kërkim dhe vënien e tyre para përgjegjësisë ligjore, bazuar dhe në informacionet e marra në rrugë policore, shërbimet e Seksionit për Hetimin e Krimit Ekonomik dhe Finaciar në DVP Tiranë, në bashkëpunim me Komisariatin e Policisë Rinas, në hyrje të Republikës së Shqipërisë, kanë bërë kapjen dhe ndalimin e shtetasit:
Vasil Prifti, 55 vjeç, banues në Tiranë dhe rezident në SHBA.
Ky shtetas ishte shpallur në kërkim, pasi Gjykata e Rrethit Gjyqësor Tiranë e ka dënuar me 6 vite burg për veprën penale “Mashtrimi” me pasoja të rënda.
Shtetasi Vasil Prifti, nëpërmjet mashtrimit, ka shitur një apartament banimi, duke përdorur një certifikatë të falsifikuar”, njofton policia.
Këta janë këlyshët e amerikës!
Janë këlyshë të Shqipërisë së Ramës o torollak se po të ishte në Amerikë as që mund të shiste shtëpi me dokumenta falls.
Mandej “brava” është simbol i mbylljes në burg.
Me nongratën” Amerika ka akuzuar Saliun e jo Lulin si kandidat për burg.