‘Unë po shikoj me shqetësim tensionet në rritje që janë një kërcënim i ri për paqen’, ka thënë Papa Françesku.
Sot Papa Françesku i ka bërë thirrje botës që të lutet për uljen e tensioneve mes Rusisë dhe Ukrainës, duke vënë në dukje se kjo situatë kërcënon sigurinë e Europës.
‘Tensionet në rritje janë një kërcënim dhe një goditje e re për paqen në Ukrainë, gjithashtu rrezikojnë sigurinë e Europës’, ka thënë ndër të tjera ai.
Ai gjithashtu ka sjellë në vëmendje një tjetër situatë problematike që ende nuk ka marrë zgjidhje.
Gjatë predikimit në meshë në Bazilikën e Shën Pjetrit, ai tha se është dhimbje madhe kur shohim se vëllezërit dhe motrat tona vdesin në det sepse nuk i lejojnë të dalin në breg.
Gjithashtu ia u shpreh se kulti më i pëlqyeshëm i Zotit është të kujdesesh për fqinjin.
‘Sa dhimbje ndjejmë kur shohim se vëllezërit dhe motrat tona vdesin në det sepse nuk i lenë të dalin në breg. Kujtoj se kulti më i pëlqyeshëm për Zotin është të kujdesesh për fqinjin’, ka thënë më tej Papa.