• |
ide | kryesore

Dy qendërsulmuesit së bashku 75 vjeç, Milan rinovohet: i merr Crvena Zvezdas talentin Lazetic

-Instant, Sport

Një pikë në dy ndeshjet e fundit dhe Interi tashmë është larguar më shumë. Milan është arritur tashmë edhe nga Napoli në vendin e dytë të renditjes dhe pas ndeshjes 0-0 në shtëpi kundër Juventusit, ndjesia se kuqezinjtë e Piolit janë në vështirësi është evidente. Rikuperimet e Romagnolit dhe Bennacer i dhanë alternativa trajnerit të kuqezinjve, por tifozët – dhe ndoshta vetë Pioli – prisnin diçka më shumë nga merkato për të ngritur stekën. Një javë nga mbyllja e dritares së transferimeve, për Milanin, pak ose asgjë nuk ka ndryshuar.

Ndaj Juventusit, fokusi ishte dëmtimi i Ibrahimovic (40 vjeç), i cili u largua nga fusha pas gjysmë ore lojë për shkak të një problemi në tendinën e Akilit, që do të monitorohet gjatë javës së pushimit për ekipet kombëtare. Dëmtimi i suedezit, si dhe hyrja e Giroud (35 vjeç), nxorrën në dritë një problem thelbësor në repartin ofensiv të Milanit, ku mungojnë zgjidhjet e mëdha pas dy sulmuesve, të cilët megjithatë mund të japin pak garanci fizike. Në të vërtetë, Pellegri – rezerva e tyre – është gati të blihet dhe më pas të dërgohet në Torino.


Për sulmin, emri që drejtuesit do të sjellin te kuqezinjtë është Marko Lazetic, qendërsulmues i Crvena Zvezda. Takimi mes njerëzve të merkatos të Milan dhe menaxherëve të lojtarit është shtyrë për të martën, por tashmë është gjetur një marrëveshje me klubin serb. Vetëm një detaj: Lazetic është një sulmues i lindur në vitin 2004, i talentuar por i gjithi për tu zbuluar.

Problemi tjetër ka të bëjë me mbrojtjen, repart në të cilin Pioli dhe Maldini e kishin pranuar publikisht se kërkonin përforcime pas dëmtimit të Kjaer. “Nuk ka qenë e mundur të marrim një mbrojtës të rëndësishëm për 7-8 vitet e ardhshme – deklaroi Paolo Maldini – Emergjenca po përfundon në atë repart dhe ne nuk duam t’u heqim hapësirën atyre që po bëjnë mirë si Gabbia dhe Kalulu”.

Lini një Përgjigje

Adresa juaj email s’do të bëhet publike.

Kthehu