• |
ide | kryesore

Plani në heshtje i një gjakmarrjeje, 17-vjeçari merr hak për babanë e vrarë

-Instant, Lajme, Të fundit

Florian Përvathi, i cili mori gjakun e babait të tij, Gjon Përvathi, ishte 4 vjeç kur humbi të atin.
Ai nuk e pa kur fqinji i tyre Ndue Lekgjonaj e qëlloi me pushkë dhe la të vrarë brenda në zetor. As kur autori duke u larguar me shpejtësi për të mos u kapur nga policia, i aksidentoi vëllanë e madh. Por ishte në shtëpi kur nëna e tij Martine Përvathi, 40 vjeçe piu helmin në prani të motrës së saj, dhe vdiq menjëherë pasi i vranë të shoqin dhe i aksidentuan djalin, pasi mendoi se i vdiq edhe ai.

Gjyshërit Përvathi e morën Florianin dhe e larguan nga shtëpia, larg dy xhenazeve burrë e grua. 4-vjeçari rikthehet në familje disa ditë më vonë, kur nënë e babë ishin përcjellë në banesën e fundit dhe vëllai ndodhej në spital.
Fëmija kalonte orë e ditë të ashpra pranë plakut të shtëpisë që e mbante gjithmonë me vete. Aty mësoi që babai iu vra pas një nate, ku kishte kthyer dy gota alkool dhe qëlloi me armë mbi çatinë e fqinjëve.


Të mëdhenjtë i treguan se nëna e tij helmoi veten se nuk përballoi dot dy vdekje në një shtëpi, siç kujtoi ajo që pas burrit i vranë edhe djalin e madh.
Familja Përvathi nuk pranoi pleqtë për pajtim edhe pse u tentua disa herë. Të gjithë në Manati të Lezhës e dinin se Përvathët dhe Lekgjonajt ishin në gjak!
Me hasmit komshinj, me kalimin e viteve Floriani mësoi nga të moshuarit se gjaku i babait të tij nuk ishte falur.
Nuk dihet kur Floriani, sot 17-vjeçar vendosi të zbatonte ligjet e kanunit, por ai nuk e bisedoi me askënd planin.

Vdekja e gjyshit e ashpërsoi më shumë adoleshentin; Nuk luante e as qeshte më bashkëmoshatarët. Ditët iu ngrysën edhe më shumë kur vëllai i tij i përfundon në burg. Jeta vërtitej sa në derën e njërit xhaxha në derën e tezes.
Sot ai vendosi të mbyllë hesapet me kanunin dhe veten e tij.
Kur Lek Lekgjonaj, vëllai i vrasësit të babait po futej në shtëpi, Floriani iu afrua dhe qëlloi me pistoletë. Më pas iu dorëzua policisë dhe tha: Po unë e vrava!

Nga Anila Prifti

4 Comments

  1. Artikull turpi! Glorifikon gjakmarrjen! cfare faji kishte vllai i autorit te vrasjes?!! A jeni ne terezi apo jo! Turp!

  2. Mir ky cuni i shkret 17 vjec, kte arrij ta mirkuptoj une, po kto kurvat gazetate qe glorifikojne vrasjen e nje te pa fajshmi me justifikimin e gjakmarrjes! Po cfaj ka vellai mor plehra njerez…
    Te dhjefsha shtetin ku jetojme, po te ishte kap dhe denuar autori mnase kjo vrasje nuk do te ndodhte, mbase do ishin shpetuar 2 jete.

  3. cuna pse habiteni
    mendoni se kur flitet per UDB duhet te kete brire ne balle gjeja qe te kuptohet ?
    punon UDB cuna, ja paguan dhe per kete model propaganda

Lini një Përgjigje

Adresa juaj email s’do të bëhet publike.

Kthehu