Së fundmi ,prezantuesi Pat Sajak i ka kërkuar falje publike aktorit Benedict Cumberbatch pasi pranoi se nuk e njihte gjatë një episodi të fundit të “Celebrity Wheel of Fortune”.
Të dielën, Tatyana Ali, Haley Joel Osment dhe Curtis Stone konkurruan në shfaqje për mundësinë për të fituar deri në 1 milion dollarë për bamirësi. Në një moment gjatë lojës, Ali, zgjidhi një enigmë me përgjigjen, “Eggs Benedict Cumberbatch”.Por, Sajak i kërkoi Ali-së të “shpjegonte” se kush ishte Cumberbatch pasi nuk e njihte. Pas episodit, llogaria zyrtare e “Wheel of Fortune” postoi në Twitter komentin e Sajakut dhe një ndjesë publike për aktorin. Benedict njihet më së shumti për rolet e tij si Sherlock Holmes në “Sherlock”, Dr. Stephen Strange në “Dr. Strange” dhe filmat e tjerë të Marvel Cinematic Universe.