Senegali u kualifikua në çerekfinalet e Kupës së Afrikës falë fitores 2-0 ndaj Kepit të Gjelbër, jo pa frikë. Në pjesën e dytë ndodhi një kontrast i dhunshëm mes Vozinhas dhe Sadio Mané. Portieri i kombëtares së Kepit të Gjelbër, i ndëshkuar më pas me karton të kuq nga arbitri, u duk se e pësoi më keq duke dalë nga fusha me barelë.
Nga ana tjetër, sulmuesi i Liverpool u duk se e kishte marrë veten, aq sa shënoi golin e 1-0 pak minuta më vonë, por më pas u ankua për marrje mendsh dhe u transportua menjëherë në spital. Për fat të mirë, gjithçka është në rregull: kontrollet nuk kanë evidentuar asnjë problem për të dy futbollistët, që më pas postuan një foto së bashku në Instagram.