• |
ide | kryesore

Ajo që pritej, Rama emëron ‘Gebelsin’ e tij në krye të “Ministrisë së Propagandës”

-Instant, Arkiva, Lajme, Të fundit



Në një urdhër ekzekutiv një ditë pas vendimit të qeverisë për krijimin e Agjencisë për Media dhe Informim, Kryeministri ka firmosur emërimin në krye të saj të Endri Fugës, i cili ka mbajtur rolin e zëdhënësit të tij prej dekadash, që në kohën kur Rama ishte kryetar i bashkisë Tiranë.

Emërimi i bërë që më 19 shtator 2022, por u pranua nga kryeministria në përgjigje të një kërkese të BIRN për informim.

“Drejtori i Përgjithshëm i Agjencisë për Media dhe Informim, z. Endri Fuga, është emëruar me Urdhër të Kryeministrit nr.96, datë 29.9.2021 “Për emërim në detyrë”, thuhet në përgjigjen zyrtare.

Roli i agjencisë do të jetë centralizues për marrëdhëniet me publikun të qeverisë. Në organikën e saj me 61 punonjës do të përfshihen të gjithë zëdhënësit e ministrive dhe të gjitha institucionet e qeverisë qendrore dhe punonjës të zyrës së Marrëdhënie me Publikun në kryeministri.

Në VKM për krijimin e saj parashikohet që agjencia do të kontrollojë emërimin dhe shkarkimin nga puna të zëdhënësve të institucioneve qendrore, të cilët deri më sot emëroheshin dhe shkarkoheshin nga ministrat përkatës dhe mbanin zakonisht statusin e këshilltarit. Kjo agjenci do të kontrollojë gjithashtu aktivitetin publik të ministrave, përfshirë konferencat e tyre për shtyp.

“Drejtori i Përgjithshëm, statusi i të cilit barazohet me atë të ministrit të shtetit, është zëdhënës i Këshillit të Ministrave,” thuhet në vendim.

Në vijim të vendimeve në mbështetje të krijimit të agjencisë qeveria mori me qira zero të ambjenteve të Pallatit të Kongreseve të paktën 7 zyra dhe një sallë konferencash.

Ngritja dhe funksionimi i kësaj agjencie shihet nga shumë aktorë vendorë si një një legalizim i strukturës funksionuese të mëparshme të propagandës së qeverisë.

Organizatat ndërkombëtare për lirinë e shprehjes kanë shprehur shqetësim lidhur me këtë vendim të qeverisë shqiptare dhe i kanë kërkuar Bashkimit Evropian t’i bëjë presion qeverisë kundër krijimit të kësaj agjencie.

Në një deklaratë të publikuar në tetor 2021, gjashtë organizata ndërkombëtare e quajnë “shqetësuese” krijimin e agjencisë dhe e shohin atë si një hap drejt përkeqësimit të lirisë së medias në Shqipëri.

“Organizatat tona ndajnë shqetësimet e shprehura nga kryeredaktorë të ndryshëm, organizata të shoqërisë civile dhe sindikatat e medias në Shqipëri që thonë se krijimi i Agjencisë, në vend që të përmirësojë aksesin e gazetarëve te informacioni publik, mund të bëjë saktësisht të kundërtën,” thuhet në deklaratën e firmosur nga Artikulli 19, Qendra Evropiane për Liri të Shtypit dhe të Medias (ECPMF), Instituti Ndërkombëtar i Shtypit (IPU), OBC Transeuropa, Federata Evropiane e Gazetarëve dhe Free Press Unlimited.

Edhe Komisioni Europian ngriti shqetësimin e lirisë së medias në progres-raportin e fundit, kur theksohej se Shqipëria nuk ka bërë hapa përpara për sa i përket lirisë së shprehjes.

Herën e fundit që Shqipëria ka pasur një ministri propagande ka qenë viti 2001, kur një nga qeveritë e drejtuara në atë kohë nga Pandeli Majko, kishte një ministër “për informacionin”.

Kjo agjenci do të ketë në strukturën e saj 61 punonjës, por kryeministria nuk i vuri në dispozicion BIRN-it, sipas kërkesës, emrat dhe pozicionet e tyre të punës./ BIRN



13 Comments

    1. Fugshpumsat ne delir tani

      Me ne fund kryesumshqyeri fuga eshte ne drite te diellitme titull dhe poste vule dhe firme

      Hopa. Ne valle figshklymit turrur me bythe drejt hurit

  1. Sa nder i beni kur e quani “Gebels”. Ky eshte vetem nje injorant, analfabet funksional qe s’ka hapur nje liber ne jete, pervec budallalleqeve me aventura te Den Braunit dhe paratheniet e Alister Kembllit. Median nuk e njeh, thjesht i kane lene ne dore shume pare per te blere pronaret e saj. Kjo nuk e ben ate Gebels. E ben vetem kambist.

    1. Vdekshin të korruptuarit, parrazitët, idiotët dhe neokomunistët. thotë:

      Gebelsi ishte patriot, ky është një hajdut me pushtet është krahasim i turpshëm.

    2. Ekzakt. Nuk ka më medioker se ky. I kompleksuar, i frustruar, i paformuar, keta jane nje grup maskaranjsh qe prostituojne ne kurriz te ketij vendi . Te paturp. Kjo eshte e vetmja vlere e tyre me te cilen mbijetojne. Nuk kane cipë. Keta dogjen kompjuterat e mjaftit sepse aty dilnin hajduterite me cizme qe kishin bere, keta qe per nje party ne dhermi moren 50 mije euro nga greku i AMC e sa te tjera nga ambasada holandeze e me radhe. Imagjino ckane bere keto vite ne bashki. 5 dite pushime ne tailande , mazniku veliaj e ky harxhuan 30 mije euro te paguara nga nje biznesmen, Hajdute , perverse dhe sidomos nje grup qe duhen ti kene bullizuar shume ne femijeri. Mjere ai vend. Por nga hundet do tu dalin. Zoti u duhet lene.

  2. A I vjen turp ketij kur perballet me veten ne pasqyre?
    Keta nuk largohen me vote, vetem me revolution protestash, po kush t’ i beje …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *