Mauro Icardi e ka humbur protagonizmin në futboll dhe performancat e tij vijnë gjithnjë e në ulje. Sulmuesi i PSG, në ndeshjen e Kupës së Francës kundër Nices, nuk la ekzaktësisht asnjë gjurmë: sipas të dhënave të Opta-s, në fakt, argjentinasi ka prekur vetëm 6 topa gjatë gjithë kohës që ka qenë në fushë. Statistika të frikshme për ish-kapitenin e Interit, shpeshherë në qendër të lajmeve për aferat sentimentale me bashkëshorten Wanda Nara, por gjithnjë e më pak protagonist në fushë.
PSG, në fakt, u eliminua në mënyrë të bujshme nga Kupa e Francës nga Nice, që mori më të mirën në goditjet e penalltive pas 0-0 në kohën e rregullt. Icardi, i cili startoi si titullar së bashku me Messin, qëndroi në fushë për 64 minuta para se të zëvendësohej nga Mbappé. Por të dhënat e Opta-s e gozhdojnë përfundimisht argjentinasin.
Ashtu si raportohet nga një postim i kompanisë së përpunimit të të dhënave sportive, “Mauro Icardi ka prekur vetëm 6 topa kundër Nice, totali më i keq për një lojtar të PSG-së që ka luajtur më shumë se 45 minuta, që kur Opta përpunon të dhënat në të gjitha kompeticionet (2014/15). Fantazëm”. Më shumë se një tweet, është një fjali, që konfirmon momentin e errësirës së sulmuesit.
6 – Mauro Icardi n’a touché que 6 ballons contre Nice, pire total pour un joueur ayant disputé plus de 45 minutes d’une rencontre avec Paris depuis qu’Opta dispose de cette donnée toutes compétitions confondues (2014/15). Fantôme👻. #PSGOGCN pic.twitter.com/88UO5UqUmG
— OptaJean (@OptaJean) January 31, 2022