Presidenti i Republikës Ilir Meta ka folur për takimin me ish-kryeministrin Berisha përpara se të firmosej koalicioni i Komisionit të Rithemelimit të PD-së me LSI-në.
“Duhet të ndajmë dy gjëra; tjetër gjë takimi, tjetër gjë konsultimi, tjetër negociatat, se kolegu juaj Çim Peka, është një ngatërrestar i paparë dhe këtë gjë e kam vuajtur vetë.
Ne, jemi takuar me zotin Berisha. Unë e kam kërkuar prej shumë kohësh,që në muajin nëntor para zgjedhjeve. U bënë 14 muaj që nga ajo kohë, dhe ai ka pasur disa probleme, për çështje familjare të tij dhe më në fund u takuam para 2-3 ditësh.
A mund të quhet sekret, kur takohesh me Çim Pekën? Në kuptimin e mirë dhe profesional flas. Unë me zotin Berisha, takohem në çdo sekondë, çdo njeri që troket në këtë derë këtu, është i mirëpritur, çdo aktor politik.
Unë nuk kam paragjykime në këtë detyrë, kjo nuk është karrigia ime, kjo është në shërbim të shtetit, të institucioneve dhe të gjithçka tjetër.
Ndërsa, zotëria e ka derën hapur këtu dhe në shtëpinë time 24 orë kur të dojë. Por, kjo nuk do të thotë që ne, ndajmë të njëjtat qëndrime, për çështje të ndryshme, ashtu si dhe nuk i kemi ndarë kur ai ka qenë në Qeveri.
Po ja është Po, dhe Jo-ja është Jo! Dhe kjo gjë na bashkon me njëri-tjetrin” – tha Meta duke e mbyllur: “E kemi parë njëri-tjetrin edhe nëpërmjet ekraneve, por takimi direkt është tjetër gjë”. ©LAPSI.al
“Po-ja” është po e “Jo-ja” është jo qenka leitmotivi i miqësisë Meta- Berisha.
Po-ja e Jo-ja të mara si mendim ndryshe, nuk mund të cilësohen si cilësi negative, po përkundrazi si një dukuri demokratike e përplasjes së lirë të mendimit.
Por e ka pranuar vetë Meta që Berisha ka bërë çmos që ta arrestojë ate, e është fakt se kur Meta ishte kryeministër, e mbajti Berishën disa orë të arrestuar në një komisariat të policisë.
Këto janë veprime arbitrare të dhunëshme e nuk kanë të bëjnë fare me mendimin e lirë të ndryshëm si një dukuri demokratike.