Mediat e huaja kanë raportuar së fundmi se Simon Cowell ka bërë aksident për herë të dytë me biçikletë elektrike.
Një burim ka treguar për ‘Page Six’ se u dërgua me urgjencë në spital pasi kishte thyer krahun. Gjithashtu sipas burimit , Cowell ishte “me fat që ishte gjallë”, pasi nuk kishte vendosur helmetë në kokë kur u aksidentua. Kjo nuk është hera e parë që anëtarit të jurisë së “America’s Got Talent” i ndodh diçka e tillë. Në gusht të vitit të kaluar ai theu shtyllën kurrizore në tre vende pasi u aksidentua me biçikletën elektrike jashtë rezidencës së tij në Malibu.