Shpërthen kontestimi i tifozëve të Lazios ndaj klubit bardhekaltër. Dhjetra anëtarë të grupit Ultras Lazio, siç u njoftua, u mblodhën jashtë qendrës sportive ku stërviten Immobile dhe shokët e tij, duke shfaqur pankarta dhe duke intonuar kore fyese drejt presidentit Lotito dhe drejtorit sportiv Igli Tare. Mbi të gjitha, fajësohet mosveprimi i klubit në merkaton e janarit, i cili përfundoi me një blerje të minutës së fundit, atë të Cabral nga Sporting Lisbonë. “Një tjetër merkato në emër të mediokritetit, Lotito nuk je i denjë për këtë shoqëri”, u shfaq slogani në portat e Formellos.
Kontestimi, që u zhvillua pa eksese të veçanta, kishte në shënjestër drejtuesit e lartë të klubit, të konsideruar jo në përputhje me ambiciet e bardhekaltërve. Merkato e fundit e dimrit, për tifozët, ishte vetëm pika që derdhi gotën: “Tetëmbëdhjetë vjet turp dhe abuzim – ishte zëri që u ngrit nga rreth 300 tifozë të Lazios që ishin mbledhur para qendrës stërvitore -. Ky mentalitet na ka çarë k**in! Paratë nuk dihet ku shkojnë”.
Kritikat dhe ofendimet nuk janë kursyer as ndaj Igli Tares, ndërsa në favor të ish-presidentit Sergio Cragnotti u ngrit një kor: “Një president, ka vetëm një president”.
Hahaha, po hyri shqiptari ne mes te biznesit, e con per lesh.