Reperi i njohur Nick Cannon ka kërkuar së fundmi publikisht ndjesë që zbuloi se do të bëhej baba për herë të tetë.
Gjatë emisionit të tij , reperi kërkoi falje për dhimbjen e madhe që shkaktoi lajmi i shtatzënisë së partneres vetëm pak kohë pas humbjes së vogëlushit Zen, i cili ndërroi jetë vetëm 5 muajsh.”Kam dështuar në mbrojtjen dhe respektimin e privatësisë së mamave të të gjithë fëmijëve të mi. Gabova dhe me shumë gjasa e teprova duke dhënë detaje dhe duke ndarë me ju ndjenjat me mia pak ditë më parë. Ndoshta u duk sikur bëra krahasime që para një muaji fola për humbjen e djalit tim Zen dhe tani ju tregova për fëmijën që po pres. Kurrsesi s’do ta bëja këtë sepse janë dy momente të ndara të jetës sime dhe që të dyja kërkojnë respekt”, deklaroi Cannon.