Meksika është tronditur sërish nga vrasja e një tjetër gazetari gjatë ditës së enjte. Gazetari Heber López Vásquez, i Noticias web u vra të enjten, sipas policisë duke theksuar se tashmë të dy autorët e dyshuar ishin arrestuar. Ai është gazetari i pestë që vritet brenda këtij viti në Meksikë, sipas një raporti tbazuar në të dhënat e organizatës joqeveritare Reporterët pa Kufij (RSF).
Sipas prokurorit të shtetit Arturo Calvo, gazetari u vra brenda makinës së tij në Oaxaca. Dy autorët e dyshuar janë arrestuar. Meksika konsiderohet si një nga vendet më të rrezikshme në botë – më i rrezikshmi nëse përjashtohen zonat e luftës – për gazetarët që janë në rrezik hakmarrjeje për kartelet e drogës të shfrenuara në shumë nga 32 shtetet e saj.