Momente frike e paniku në fluturim për Manchester City: klubi anglez njoftoi se avioni me të cilin po udhëtonte skuadra, duke u kthyer nga ndeshja triumfuese në Ligën e Kampionëve në Lisbonë, kundër Sportingut, është detyruar të bënte një ulje emergjente në Liverpool, duke devijuar nga rruga për në Mançester për shkak të erërave të forta që hasën në lartësi të mëdha.
We can confirm the plane transporting the first team home from Lisbon has landed safely in Liverpool, after high winds forced a diversion from Manchester.#ManCity
— Manchester City (@ManCity) February 16, 2022
Sipas asaj që bëhet e ditur, udhëtimi nuk kaloi pa vështirësi, pasi klubi konfirmoi një devijim në fluturimin e tyre gjatë rrugës për në Mançester të mërkurën në mbrëmje, përmes një deklarate në mediat sociale. Duke shkruar në llogarinë e tyre zyrtare në Twitter, Manchester City sqaroi: “Ne mund të konfirmojmë se avioni që transportonte ekipin e parë në shtëpi nga Lisbona është ulur i sigurt në Liverpool, pasi erërat e forta detyruan një devijim nga Mançesteri”.
Veri-perëndimi i Anglisë, ashtu si edhe në pjesë të mëdha të Mbretërisë së Bashkuar, po përballet me ndikimin e stuhisë Dudley aktualisht, me shpejtësi të parashikuara të erës deri në 90 mph. Më e keqja e stuhisë thuhet se pritet të godasë mes orës 14:00 deri në mesnatë të mëngjesit të së enjtes, me një paralajmërim “të verdhë” të motit që do të përfshijë pjesën tjetër të Anglisë veriore dhe zonat e mesme.