Presidenti i Shteteve të Bashkuara të Amerikës, Joe Biden, i ka shkruar një letër presidentes së Kosovës, Vjosa Osmanit, me rastin e 14-vjetorit të Pavarësisë.
Biden ka vlerësuar arritjet e Kosovës përgjatë viteve të pavarësisë dhe ka nënvizuar atë që mbetet e rëndësishme në perspektivë, që është arritja e njohjes reciproke me Serbinë.
“Jemi të kënaqur që Kosova po vazhdon të ndërtojë dhe forcojë marrëdhëniet e saj pozitive me vendet fqinje dhe do të vazhdojmë ta mbështesim përpjekjet tuaja drejt një marrëveshjeje gjithëpërfshirëse të normalizimit me Serbinë, të përqendruar në njohjen reciproke”, thekson në letër Biden.