Asnjë dëmtim në fleksorët e kofshës së majtë, vetëm një lodhje muskulare: në pritje të njoftimit zyrtar, ky është lajmi që filtron nga JMedical në lidhje me testet instrumentale të kryera në mëngjes nga Paulo Dybala. Sulmuesi i Juventusit, i detyruar të largohej para kohe nga fusha në derbin kundër Torinos, duket se ka ndaluar në kohë, duke shmangur probleme më serioze: megjithatë prania e tij mbrëmjen e së martës në Spanjë në ndeshjen e parë të 1/8 së Ligës së Kampionëve kundër Villarrealit mbetet në dyshim shumë të fortë. Në të vërtetë, ka më shumë mundësi se kurrë që Allegri të mos e rrezikojë, për të shmangur komplikimet e mundshme siç ka ndodhur edhe më parë në një sezon që deri tani ka qenë mjaft i trazuar për sa i përket dëmtimeve për argjentinasin.
Së bashku me Dybalan në JMedical është parë edhe Daniele Rugani, i cili ishte ndalur në nxemjen para derbit me Torinon, për një shqetësim muskular. Pas kryerjes së kontrolleve, mbrojtësi, që komunikoi me disa tifozë jashtë selisë, u shpreh optimist për gjendjen e tij. Edhe për të, megjithatë, duhet pritur njoftimi zyrtar për shtyp nga klubi për të patur sigurinë nëse do të jetë apo jo në transfertën e Villareal.