Autoriteti Rrugor Shqiptar paraditen e kësaj të diele ka bërë me dije se në zonën e Thethit vijojnë që të bien ortekë.
Përmes një video të postuar në rrjetin social Facebook shihet sesi bora e rënë një rrugë, herë pas here bllokon qarkullimin në aksin Bogë-Theth.
Ndërkohë vazhdimisht mjetet e pastrimit qëndrojnë në këtë segment për të mundësuar qarkullimin pa problem të automjeteve.
“Në Bogë-Theth vijojnë të bien ortekë të cilët bllokojnë qarkullimin dhe vështirësojnë punën për pastrimin.
Po punohet 24/7 me mjete e punëtorë për ta mbajtur të hapur këtë aks.
Bogë-Qafë Thore qarkullimi kryhet pa problem“, thuhet në njoftimin e ARRSH.