• |
ide | kryesore

BE dënon veprimet e Rusisë dhe vendos sanksione ekonomike/ Kina: Do të importojmë grurin rus

-Instant, Lajme, Planet

Zëdhënësja e Ministrisë së Jashtme kineze Hua Chunying ka dalë në një konferencë shtypi pas nisjes së agresionit rus në Ukrainë. Teksa ka refuzuar të dënojë sulmin e Rusisë, Chunying ka përsëritur thirrjet për vetëpërmbajtje dhe ka akuzuar Shtetet e Bashkuara se po i hedhin benzinë zjarrit. Në një konferencë që zgjati më shumë se 90 minuta, zëdhënësja e Punëve të Jashtme shmangu më shumë se 11 pyetje në lidhje me bombardimet ruse në Ukrainë.


Si të mos mjaftonte kjo Chunying shtoi se Kina do të fillojë importimin e grurit rus, një veprim që mund të lehtësojë ndikimin e sanksioneve perëndimore ndaj Rusisë.


“Kina po ndjek nga afër situatën dhe u bën thirrje palëve të ushtrojnë përmbajtje për të shmangur daljen e gjendjes jashtë kontrollit”, tha zëdhënësja në mënyrë të përsëritur.

Ndonëse nuk kanë dalë hapur si aleatë ushtarakë, Kina dhe Rusia kanë paraqitur një front gjithnjë e më të bashkuar përballë asaj që ata e konsiderojnë si ndërhyrje perëndimore në punët dhe rajonet e tyre përkatëse.


Lini një Përgjigje

Adresa juaj email s’do të bëhet publike.