Për të riparë në fushë Weston McKennie, Allegri dhe Juventus duhet të presin të paktën dy muaj. Dëmtimi i pësuar ndaj Villarreal ka rezultuar menjëherë më i rëndë se sa pritej dhe mesfushori amerikan duhet të qëndrojë jashtë për një kohë të gjatë. Për momentin ende nuk është vendosur nëse do të kryhet një ndërhyrje kirurgjikale, por e sigurtë është se amerikani i ka të qarta idetë. “Faleminderit të gjithëve për mesazhet. Do të kthehem më i fortë se më parë”, ka shkruar ai në rrjetet e tij sociale, duke treguar foton e këmbës së majtë në allçi.