Republika Çeke i bashkohet Suedisë dhe Polonisë në protestën e tyre kundër pushtimit rus të Ukrainës: “Kombëtarja çeke nuk do të luajë kurrë një ndeshje të mundshme kundër Rusisë në play-off të Kupës së Botës, madje as në terren neutral. Duam të gjithë që lufta të përfundojë sa më shpejt të jetë e mundur”, thuhet në një deklaratë të Federatës Çeke. Kështu, Republika Çeke do të refuzojë të përballet me Rusinë nëse dy skuadrat takohen në play-off për Kupën e Botës 2022 në Katar.
“Shpresoj që edhe kombëtarja ime do të ndërmarrë të njëjtin hap si Polonia dhe Suedia, që kanë shprehur mendimin e tyre për të mos luajtur në Rusi. Nuk e kuptoj se çfarë presin në Republikën Çeke,” tha zëvendës/presidenti i Juventusit e simbol i futbollit çek Pavel Nedved, para ndeshjes kundër Empolit për situatën në Ukrainë. Apel që është aprovuar menjëherë nga Federata çeke.
Polonia, që duhej të përballej me rusët në Moskë më 24 mars në gjysmëfinalen e play-off-it për Katar 2022, dhe Suedia, e cila mund të ishte përballur me rusët pas gjysmëfinales tjetër kundër Republikës Çeke, tashmë kishin shpallur vendimin e tyre.
https://www.youtube.com/watch?v=yh2y1C8eVms