Ajër i tensionuar në shtëpinë e Chelsea dhe sigurisht jo për shkak të humbjes me penallti në Carabao Cup. Thomas Tuchel ka shpërthyer në konferencë për shtyp pasi një gazetar i bëri një pyetje për luftën në Ukrainë. “Dëgjo, dëgjo, dëgjo, duhet të ndalosh, unë nuk jam politikan – tha ai – Duhet t’i japësh fund, sinqerisht, unë vetëm mund ta përsëris dhe më vjen keq ta përsëris sepse nuk e kam jetuar kurrë luftën. Nuk jam politikan, nuk di cfarë të bëj e cfarë të them. Jam i privilegjuar, jam ulur në paqe këtu, duhet të reshtni së pyeturi për luftën, nuk kam përgjigje për ju”.
"Listen, you have to stop! I'm not a politician"
An emotional Thomas Tuchel pleads with reporters to stop asking him about the situation in Ukraine pic.twitter.com/apO3YGioAX
— The Sun Football ⚽ (@TheSunFootball) March 1, 2022
Është vigjilja e FA Cup kundër Luton Town, por padyshim ai që monopolizojë konferencën për shtyp ishte konflikti mes Rusisë dhe Ukrainës dhe hapi mbrapsht i Roman Abramovich, oligarku rus e pronar i Chelsea dhe mik i Vladimir Putinit. Dukshëm i mërzitur, Tuchel eviton edhe komentin ndaj Abramovich. “Situata të tilla si lufta janë shumë më të rëndësishme, por për rolin e Abramovich nuk më takon mua të komentoj sepse nuk dimë sa duhet – shpjegoi tekniku i Chelsea – Për mua si trajner në detyrë nuk ka shumë ndryshim në administrimin e përditshëm, pasi unë kam gjithmonë lidhje me Petr Cech dhe Marina Granovskaian. Nuk e njoh mirë situatën dhe jemi të gjithë dakord që ka situata që janë shumë më të rëndësishme se futbolli dhe kjo nuk do të ndryshojë kurrë”.