Komediani Pete Davidson është përfolur së fundmi në media pas mungesës së tij në episodin e së shtunës të “Saturday Night Live”.
Kjo bëri që fansat të dyshonin se mungesa e tij mund të jetë nga konfikti me reperin Kanye West. Mirëpo , këto aludime janë hedhur poshtë nga një burim i afërt i cili ka treguar për “E!” se Pete nuk ishte në episodin e 26 shkurtit i cili u drejtua nga miku i ngushtë John Mulaney, sepse komediani është aktualisht në xhirimet e filmit të tij të ri, ‘The Home’. Me regji të James DeMonaco, filmi horror i ardhshëm do të tregojë historinë e Max, “një njeri i trazuar që fillon të punojë në një shtëpi të moshuarish dhe kupton se banorët dhe kujdestarët e saj mbajnë sekrete të liga”, sipas Deadline. Ndërsa, personazhi i Davidson zbulon më shumë për shtëpinë dhe banorët e saj, ai zbulon lidhjen e tij personale me ndërtesën. Anëtari i kastit SNL, i cili u takua me Kim Kardashian teksa ajo po drejtonte shfaqjen, ka marrë një sërë rolesh aktrimi gjatë gjithë karrierës së tij.Ai është i njohur për rolet e tij në filmat:’The King Of Staten Island’ dhe ‘The Suicide Squad’./Lapsi.al