Shoqata uruguajane e Arbitrave të Futbollit (AUDAF) ka pezulluar kampionatin e vendit amerikanojugor. Zyrtarët e ndeshjes nuk do të dalin në fushë për shkak të kërcënimeve të vazhdueshme dhe nuk do të paraqiten derisa të marrin garanci.
Protesta lindi pas javës së pestë të kampionatit Apertura të Primera División Profesional në Uruguaj dhe, në veçanti, pas asaj që ndodhi në ndeshjen midis Peñarol dhe Danubios. Në fakt, në stadiumin Jardines Del Hipódromo, një person zbriti në fushë në fund të ndeshjes për të kërcënuar kuartetin e arbitrave të drejtuar nga Gustavo Tejera. Gjyqtari i ndeshjes paraqiti një denoncim në Seksionin 16 dhe personi u identifikua dhe u arrestua.
Ky episod i shtohet aktit të dhunës që u desh të përjetonte asistenti Martín Soppi. Ai ishte caktuar si ndihmësi i parë i Christian Ferreyras në ndeshjen që do të luhej midis Nacional dhe Montevideo City Torque në Gran Parque Central, por pasi mori kërcënime nga tifozë të pretenduar të Nacional, ai kërkoi që të tërhiqej përcaktimi për këtë ndeshje.
Një situatë që shkaktoi protestën e AUDAF-it. Pas një takimi në Zoom, në të cilin u arrit një marrëveshje unanime, Shoqata njoftoi se arbitrat nuk do të dalin në fushë derisa të marrin garanci. Prandaj, vendimi për të ndërprerë aktivitetin sportiv vjen si rezultat i përsëritjes së akteve të dhunshme.
— AUDAF (@audafgremial) March 6, 2022
Ndeshjet e planifikuara për fundjavë u pezulluan. Anëtarët e sindikatës së arbitrave, siç sqarohet në një deklaratë për shtyp të publikuar në profilin zyrtar të shoqatës në Tëitter, do të përpiqen të gjejnë një përgjigje të fortë dhe të rëndësishme nga drejtuesit e lartë të Federatës së Futbollit të Uruguait: “AUDAF nuk pranon dhe nuk do të pranojë asnjë lloj deklarimi, kërcënimi ose agresioni që përfshin bashkëpunëtorët tanë ose biznesin tonë”. Përfaqësuesit e AUDAF-it, siç sqaron El Pais, sigurisht që do të takohen me drejtuesit e Federatës së Futbollit në përpjekje për të marrë garancitë e nevojshme.