Rwndohet bilanci i aksidentit tragjik qe ndodhi në orët e para të mëngjesit të sotëm në aksin Milot-Fushe Kruje ku dy automjete u përplasën.
Raportohet se në spitalin e Tramws në Tiranë humbi jetwn dhe 34-vjecarja Rudina Haka, duke e çuar ne 5 numrin e viktimave. Ajo nuk mundi t’ju mbijetoje plagëve të marra në disa pjesë të trupit.
Më herët si pasojë e përplasjes së dy automjeteve kanë ndërruar jetë dy drejtuesit, Alfred Dika 39 vjeç dhe shtetasi Artan Alushi, 30 vjeç, si dhe pasagjerët Shkumbin Brati 20 vjeç, dhe Almenia Karaj 16 vjeçe, të cilët po udhëtonin në mjetin që drejtonte 30-vjeçari Alushi.
Ngjarja ndodhi rreth orës 00:15 pas mesnatës së djeshme. Policia dhe grupi hetimor po vijojnë punën për zbardhjen e rrethanave të aksidentit.
Njoftimi i policisë mëngjesin e sotëm:
Rreth orës 00:15, në aksin rrugor Fushë Krujë-Milot, një automjet me drejtues shtetasin A. D., 39 vjeç, është përplasur me automjetin me drejtues shtetasin A. A., 30 vjeç.
Si pasojë e përplasjes kanë ndërruar jetë të dy drejtuesit e mjeteve dhe dy pasagjerët, shtetasit Sh. B., 20 vjeç, dhe A. K.,16 vjeçe, që ndodheshin në automjetin që drejtonte shtetasi A. A.
Gjithashtu, është dëmtuar shtetasja R. H., 34 vjeçe, pasagjere në automjetin që drejtonte shtetasi A.A., e cila ndodhet në spital nën kujdesin e mjekëve, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit.