Ministria e Shëndetësisë ka përditësuar shifrat e pandemisë në vendin tonë. Vihet re një rënie e numrit të personave të infektuar, ndërsa raportohen 78 raste të reja këtë të dielë. Fatkeqësisht në 24 orët e fundit ka patur tre humbje jete : një qytetar nga Kavaja 68- vjeç, një qytetar nga Tirana 71 vjeç dhe një qytetar nga Durrësi 77 vjeç.
Aktualisht në spitalet COVID po marrin trajtim 46 pacientë, nga të cilët 7 janë në gjendje më të rënduar. Janë shëruar 114 qytetarë gjatë 24 orëve të fundit, ndërsa 1,531 pacientë janë ende aktivë.