Anglia nis një goditje të re ndaj oligarkëve rusë në lidhje me luftën në Ukrainë dhe Premier League shkon krah për krah duke shtrënguar lakun rreth Roman Abramovich. Pronari i bluve në fakt është liruar zyrtarisht nga posti i drejtorit të klubit. “Pas sanksioneve të vendosura nga qeveria angleze, Bordi i Premier League ka hequr Roman Abramovich nga posti i drejtorit të Chelsea – thuhet në deklaratën e Ligës -. Vendimi i Bordit të Drejtorëve nuk ndikon në mundësinë që ekipi të stërvitet dhe luajë ndeshjet e planifikuara siç kërkohet nga licenca e lëshuar nga qeveria, e vlefshme deri më 31 maj 2022″.
Following the sanctions by the UK Government, the Premier League Board has disqualified Roman Abramovich as a Director of Chelsea Football Club
The Board’s decision does not impact on the club’s ability to train and play its fixtures.
Full statement:️ https://t.co/O65T4qk50O pic.twitter.com/0jtMnZLKCg
— Premier League Communications (@PLComms) March 12, 2022
Por kjo nuk është e gjitha. Sipas raportimeve të Daily Telegraph, në orët e fundit Abramovich ka arritur gjithashtu një marrëveshje me qeverinë britanike për të shitur klubin, pas ndalesës së vendosur nga autoritetet ditët e fundit. Ekzekutivi dyshohet se i vendosi një ultimatum dhjetë-ditor manjatit rus për të shitur shoqërinë. Vendim që do të kishte autorizuar The Rain Group, bankën amerikane që merret me shitjen e Chelsea, të riaktivizonte kontaktet për të përfunduar operacionin. Për momentin ka në fakt disa sipërmarrës të interesuar për klubin, duke përfshirë edhe multimiliarderin Nick Candy.