Në ndeshjen e fundit të javës së 29 të Serie A, Lazio mposhti 1-0 Venecian, kaloi Romën dhe Atalantën me një goditje të vetme dhe arriti në vendin e 5-të. Pas një pjese të parë pa goditje në portë dhe me shumë pak emocione, bardhekaltrit i zgjidhën gjërat falë një penalltie të Immobiles në minutën e 58′, të akorduar me VAR pas një goditje të Crnigoj në fytyrën e Luiz Felipes.
Sarri mund ti gëzohet parakalimit të Atalantës (që ka gjithësesi një ndeshje më pak) dhe Romës në vendin e pestë të renditjes, në pritje t’i sfidojë në derbin e së dielës, ku do të mungojë Zaccagni i pezulluar. Në një ndeshje mjaft të mërzitshme, vendosi penalltia e Ciro Immobiles në minutën e 58-të. Me këtë gol nga njëmbëdhjetë metrat, Immobile ngjitet në kuotën 144 gola në Serinë A me fanellën e Lazios dhe kalon kështu Silvio Piolën duke u bërë golashënuesi më i mirë në kampionat në historinë e Lazios.