Ronald Koeman sulmon sërish Joan Laportan, këtë herë për modalitetet e shkarkimit. Holandezi u lirua nga detyra e tij në tetor pasi pësoi tre humbje në katër ndeshjet e tij të fundit si trajner i Barcelonës. Shkarkimi i tij ishte në ajër prej javësh për shkak të një fillimi jashtëzakonisht zhgënjyes të sezonit, në La Liga dhe në Champions League. Fatale, megjithatë, për 58-vjeçarin ishte ndeshja e humbur ndaj Rayo Vallecanos 1-0.
Por si u shkarkua ish-mbrojtësi? Për ta thënë të vërtetën ka menduar ai vetë në programin televiziv Hoge Bomen. Hollandezi ka shpjeguar se është shkarkuar në aeroplan teksa po ktheheshin nga transferta në ndeshjen e tij të fundit. Një modalitet që e lëndoi shumë teknikun, sepse ishin të pranishëm të gjithë lojtarët: “Mënyra se si më shkarkoi Laporta? Një gjë që më lëndoi ishte se lojtarët ishin ulur pas nesh në aeroplan, ndërsa unë duhej të ulesha pranë tij. Ai gjithmonë thërret, unë jam një legjendë e klubit. Provoje atëherë dhe do të veproj ndryshe!”.
Laporta ka thënë gjithmonë se holandezi është dhe do të mbetet një legjendë e klubit, por gjithsesi 58-vjeçarit nuk i ka pëlqyer sjellja e drejtuesve katalanas. Koeman bëri 264 paraqitje për Barçën, duke shënuar 88 gola dhe duke fituar katër tituj të La Ligës gjatë kohës së tij si lojtar. Si trajner, megjithatë, ai drejtoi Barcelonën në 67 ndeshje, me një përqindje fitoresh prej 58%.
Vetëm pak ditë më parë ish-trajneri blaugrana kishte sulmuar presidentin Laporta në mikrofonat e programit Algemeen Dagblad: “E kuptova menjëherë që nuk isha trajneri i Laportës. Nuk më kishte zgjedhur mua. Nuk më dhënë të njëjtën kohë që po i japin Xavit. Pastaj më pati thënë njëmijë herë se nuk do ta zgjidhte kurrë sepse i mungonte përvoja. Megjithatë, jam i lumtur që skuadra po ecën më mirë tani, e shoh edhe De Jong më të përfshirë në lojë”. Pas negociatave të tensionuara, Barcelona ra dakord t’i paguante Koeman 10 milionë euro si kompensim pas përfundimit të kontratës së tij.