Gjyqtari Sandër Beci do të jetë pjesë e Gjykatës Kushtetuese.
Beci, do të zërë vendin e ish-anëtarit Fatmir Hoxha.
Pasi u njoh me listën e kandidatëve të dërguar nga Këshilli i Emërimeve në Drejtësi anëtarët e Gjykatës së Lartë votëbesuan Becin në Kushtetuese.
Rezultati do i dërgohet Kuvendit, Presidentit të Republikës dhe kryetarit të Gjykatës Kushtetuese.
Njoftimi:
Bazuar në nenin 7/ç të ligjit nr. 8577, datë 10.2.2000 “Për organizimin dhe funksionimin e Gjykatës Kushtetuese të Republikës së Shqipërisë” (i ndryshuar) dhe Rregullores “Për zgjedhjen e anëtarit të Gjykatës Kushtetuese”, Mbledhja e Posaçme e gjyqtarëve të Gjykatës së Lartë zhvilloi, sot, më datë 15 mars 2022, procesin e votimit për zgjedhjen e anëtarit të Gjykatës Kushtetuese.
Mbledhja e Posacme e gjyqtarëve të Gjykatës së Lartë, pasi u njoh me listën e kandidatëve të renditur nga Këshilli i Emërimeve në Drejtësi, në përfundim të procesit të votimit, vendosi të shpall fitues me 7 (shtatë) vota pro, kandidatin Sandër Beci.
Rezultati i votimit do t’i njoftohet menjëherë, Kryetarit të Kuvendit, Presidentit të Republikës dhe Kryetarit të Gjykatës Kushtetuese.