Televizioni shtetëror rus transmetoi një skenar se si mund të pushtoheshin vendet baltike, Letonia, Lituania dhe Estonia, por edhe një pjesë të Suedisë neutrale.
Ky skenar u komentua në kanalin televiziv shtetëror “Rossiya 1” nga koloneli Igor Korotchenko, dikur Shef i Shtabit të Përgjithshëm dhe Forcave Ajrore Ruse dhe aktualisht një oficer rezervë. Duke përdorur harta në anglisht me vendosjen e trupave të NATO-s të shënuara, ai përshkroi me detaje skenarin e pushtimit.
“Në fillim u shkaktohet një goditje masive radio-elektronike pasi të gjithë radarët e NATO-s verbohen dhe nuk shohin asgjë. Në këtë kohë, në ishullin suedez Gotland, zbarkojnë avionët ushtarakë rusë, duke ofruar sisteme raketore anti-ajrore S-400 dhe sisteme kundër anijeve bregdetare Bastion. Sapo ata të vendosen, askush nuk e di apo sheh asgjë. Perëndimi pyet veten: “Pse ne nuk shohim asgjë? Çfarë ndodhi me radarët tanë?” – tha ish-ushtaraku rus.
Korotchenko shpjegoi se rusët do të largoheshin nga enklava e Kaliningradit drejt korridorit Suëalki për të bllokuar hyrjen e përforcimeve nga Polonia.
“Perëndimi i habitur dhe NATO-ja do ta dinë se Rusia shpall një zonë ndalim-fluturimi prej 400 km. Më pas i gjithë deti Baltik do të ishte më pas nën shënjestrën e forcave ruse. Ato pak trupa të forcave speciale të Kanadasë, Britanisë së Madhe, Gjermanisë dhe SHBA-së, në Balltik do të rrethohen nga një forca ajrore ruse dhe më pas do të dorëzojnë armët” – tha ai.
Skenari sipas tij përfundon me qeveritë e reja të shteteve baltike që zotohen për besnikëri ndaj Moskës, ndërsa Suedia bie dakord për neutralitetin e përhershëm. 3 shtetet baltike ishin kombe të pavarura derisa u pushtuan nga ish-Bashkimi Sovjetik në 1939. Ato e rifituan lirinë shteti komunist u shemb. ©LAPSI.al