Yolanda Hadid është kritikuar nga ndjekësit pas zbulimit të vajzës së saj Bella Hadid se ajo bëri një ndërhyrje në hundë në moshën 14-vjeçare.
Përdoruesit e Twitter e kanë kritikuar Hadid për lejimin e fëmijve të saj që të bënin operacione në një moshë kaq të re, madje disa kanë shkuar aq larg sa ta quajnë atë një nënë të keqe.
“Yolanda është… Më vjen keq, por ajo është një nënë e tmerrshme. Ajo inkurajon çrregullimet e të ngrënit dhe të ngrënit të çrregullt në emër të ‘mirëmbajtjes’ te të dyja vajzat e saj dhe e ka lënë vajzën e saj para adoleshencës të bëjë një operacion estetik??” ka shkruar një përdorues i Twitter.Të tjerë kritikuan ish modelen për faktin se Bella fshinte trashëgiminë e saj palestineze në favor të një pamjeje “të bardhë”.
“Ajo me të vërtetë u martua me një burrë palestinez dhe më pas u zemërua me fëmijët e saj që kishin tiparet për ta provuar këtë”, shkroi një komentues duke iu referuar martesës së Yolandës me Mohamed Hadid.
Pak ditë më parë, Bella zbuloi për Vogue se ishte penduar për operacionin në hundë sepse përfaqësonte historinë e saj familjare.”Do të doja të kisha mbajtur hundën e të parëve të mi,” tha ajo. Ishte hera e parë që modelja pranoi kishte bërë ndërhyrje estetike, pasi më parë ajo e mohonte këtë duke përmendur pubertetin si shkakun e ndryshimit të fytyrës së saj./Lapsi.al