Regjisori i njohur , Steven Spielberg dhe bashkëshortja e tij Kate Capshaw kanë dhuruar 1 milion dollarë për organizatat humanitare të Ukrainës.
Nëpërmjet fondacionit të tyre ‘Hearthland;, Spielberg dhe Capshaw kanë ndarë paratë për disa organizata afër Ukrainës, duke përfshirë Kryqin e Kuq , Kuzhinën Qendrore Botërore, Shoqërinë Hebraike të Ndihmës për Imigrantët dhe Fondin e Veprimit Urgjent.
Pas sulmit të Rusisë ndaj Ukrainës që zhvendosi më shumë se një milion refugjatë, personazhe të njohurt janë zotuar të mbledhin fonde dhe të ndërgjegjësojnë për të ndihmuar ata që kanë nevojë. Në fillim të këtij muaji, Mila Kunis, e cila ka lindur në Ukrainë, dhe bashkëshorti i saj, Ashton Kutcher, nisën një fushatë GoFundMe për të mbledhur 30 milionë dollarë për refugjatët ukrainas. Dhe Olivia Colman, Busy Philipps dhe të tjerë i janë drejtuar Cameo, platformës popullore për ndarjen e videove, duke premtuar se do të dhurojnë një pjesë të të ardhurave të tyre për bamirësi.
Gjatë sulmit të saj ndaj Ukrainës, Rusia është përballur me një goditje të shpejtë ekonomike. Disa kompani , si Amazon, Netflix, Disney dhe WarnerMedia, kanë vendosur të ndalojnë ose të tërheqin tërësisht biznesin në Rusi, duke përfshirë shfaqjet teatrale dhe kanalet televizive. Përveç tërheqjes së filmave të saj teatrale, Paramount ka dhënë një donacion prej 1 milion dollarësh t për të mbështetur ndihmën humanitare dhe CEO Bob Bakish inkurajoi punonjësit që të ndihmojnë drejtpërdrejt ata që kanë nevojë gjatë krizës humanitare. Biznese si Microsoft, Apple dhe Dell kanë pezulluar shitjet në Rusi, ndërsa Ikea ka mbyllur dyqanet dhe Nike tha se nuk do të vazhdojë të përmbushë porositë në internet./Lapsi.al