Një shqiptar, i cili ndodhej nën masën e sigurisë të arrestit me burg, është arratisur nga spitali në Greqi, ku ishte dërguar për kurim.
Shqiptari që ia ka mbathur ka qenë i dënuar për disa grabitje.
Tani ai akuzohej për disa grabitje dhe mbahej në paraburgim në pritje të gjykimit ditën e premte.
Procedura u anulua pasi ai u sëmurë nga covid-19.
Policia e Rodhos është në kërkim të të arratisurit nga mëngjesi i ditës së sotme, kur vunë re se mungonte në pavionin ku kurohej.
Rrethanat e arratisjes akoma nuk dihen dhe as identiteti i shqiptarit.