Fitorja pothuajse e sigurt në Ligue 1 (Paris Saint Germain ka 12 pikë më shumë se Olympique Marseille i dyti me 9 ndeshje nga fundi) nuk duhet të mjaftojë për të shpëtuar pankinën e Mauricio Pochettinos. Dështimi në Champions League, humbja shumë e rëndë në javën e fundit të kampionatit në fushën e Monakos dhe dhoma e zhveshjes më e ndarë se kurrë, po bëjnë që drejtuesit e lartë të klubit parisien të marrin në konsideratë idenë e një rithemelimi të vërtetë. Rithemelim që sigurisht nuk do të rifillonte nga trajneri argjentinas, shkarkimi i të cilit, megjithatë, mund t’i kushtojë shumë shtrenjtë klubit…
Eleminimi i panumërt në 1/8 e Champions League dhe mbi të gjitha mënyra se si erdhi ajo shkaktoi një tërmet të vërtetë te PSG, shpenzimet e çmendura të së cilës ende nuk kanë sjellë rezultatet e dëshiruara. I pari që do të paguajë, dhe ky është një ligj i vjetër sa futbolli, duhet të jetë trajneri Mauricio Pochettino, i cili sipas të gjitha gjasave do të shkarkohet në fund të sezonit. Megjithatë, nuk do të jetë një shkarkim pa dhimbje për arkat e klubit parisien: sipas asaj që raporton L’Equipè, në fakt, Al-Khelaïfi dhe bashkëpunëtorët e tij duhet të paguajnë një shumë të konsiderueshme për ish-trajnerin e Tottenhamit. .
Shifra që Paris Saint Germain do t’i sigurojë Pochettinos në rast shkarkimi është 15 milionë euro. E jo vetëm kaq, sepse parisienët duhet të sigurojnë “kompensim” edhe për të gjithë stafin e shumtë të trajnerit argjentinas. Ish-tekniku i Tottenham është aktualisht i lidhur me PSG-në me një pagë mbi 12 milionë në sezon deri në vitin 2023. Pas më shumë se 20 milionëve të fituara nga Spurs në momentin e shkarkimit të tij në vitin 2019, ndaj Pochettinos pritet një tjetër kompensim i rëndësishëm.