Gjykata e Posaçme ka pezulluar gjykimin për 7 personat e akuzuar për rrëmbimin dhe zhdukjen e Jan Prengës. Pezullimi për një vit u bë për shkak se asnjë prej të pandehurve të dosjes nuk është i arrestuar në Shqipëri. 49-vjeçari Prenga u mor peng më 17 janar në Kamëz. Trupi i tij nuk është gjetur, ndërsa dyshimet janë se autorët e kanë zhdukur atë. Të pandehurit në këtë proces janë Dritan Rexhepaj, aktualisht i burgosur në Ekuador, Gentian Funiqi, Martin Bleta, Korado Keshtenja, Artan Doçaj, Aldo Majnishta dhe Geraldo Martini.
Një nga pistat e hetimit që cuan në rrëmbimin e Prengës dyshohet se ka ndodhur si pasojë e prishjes së disa pazareve të drogës në Britaninë e Madhe. Vetë Jan Prenga nuk ka patur precedentë të mëparshëm penalë.