Ministria e Brendshme gjermane njoftoi se më shumë se 250 000 refugjatë që kanë ikur nga lufta në Ukrainë kanë mbërritur në Gjermani.
Deri të premten, ishin regjistruar 253 157 refugjatë nga policia gjermane.
“Numri aktual i refugjatëve që vijnë është dukshëm më i lartë për shkak të mungesës së kontrolleve kufitare midis Polonisë dhe Gjermanisë”, tha një zëdhënës i ministrisë së brendshme për CNN.
“Shumica e refugjatëve që mbërrijnë në Gjermani janë gra, fëmijë dhe të moshuar”, tha zëdhënësi.
Gjysma e të gjithë fëmijëve ukrainas janë zhvendosur nga Ukraina që nga fillimi i sulmit të Rusisë më 24 shkurt.
Sipas statistikave nga Kombet e Bashkuara, që nga fillimi i pushtimit të Rusisë mbi katër javë më parë, më shumë se 3.6 milionë ukrainas janë larguar nga vendi dhe më shumë se dy milionë kanë shkuar në Poloni.