Mediat e huaja kanë raportuar së fundmi se Ben Affleck dhe Jennifer Lopez mund të bëjnë një hap të madh përpara këtë vit.
Një burim ka treguar për ‘Entertainment Tonight’ se gjërat po shkojnë aq mirë sa miqtë e tyre janë të bindur që Affleck patjetër do t’i propozojë në një moment.
Burimi vuri në dukje se pas intervistës së Affleck me Howard Stern dhe komenteve të tij për ish-bashkëshorten e tij Jennifer Garner që u bë virale, marrëdhënia e Affleck dhe Lopez nuk u ndikua. “Jen dhe Ben po kalojmë shkëlqyeshëm”, tha burimi. “Intervista e Benit me Howard Stern nuk e rëndoi shumë marrëdhënien e tyre. Ata e kuptojnë se gjëra të tilla ndodhin ndonjëherë dhe fjalët mund të keqinterpretohen.”
“Ata janë çmendurisht të dashuruar dhe Jen e ka plotësisht mbështetjen e Benit, kjo është arsyeja pse ajo donte të bënte të njohur publikisht qëndrimin e saj”, shtoi burimi. “Gjërat mes fëmijëve të tyre janë mjaft mirë. Familjet respektojnë njëra-tjetrën dhe gjithashtu shkojnë mirë. Miqtë e tyre mendojnë se do të fejohen dhe është vetëm çështje kohe.”
Dyshja ishin të fejuar nga viti 2002 deri në fillim të vitit 2004. Të dy rindezën marrëdhënien e tyre pranverën e kaluar./Lapsi.al