Mbrëmje speciale për Christian Eriksen. Nëntë muaj pas infarktit në fushë të pësuar në Euro 2020, mesfushori i Brentford u rikthye në fushë të veshë edhe fanellën e Danimarkës, në miqësoren kundër Holandës. Danezi e kurorëzoi në mënyrën më të mirë të mundshme rikthimin e tij në kombëtare. I futur në fillim të pjesës së dytë, kur rezultati ishte 3-1 për portokallinjtë, në vend të Lindstrom, ylli i Brentford mori një asist nga Skov Olsen dhe shënoi menjëherë golin e 3-2 duke mposhtur Flekken me një të djathtë të saktë nën traversë.
Një gol çlirimtar, i cili shënoi fundin e një makthi për Eriksen dhe i dha edhe më shumë kuptim një mbrëmje të paharrueshme për ish-mesfushorin e Tottenham duke e kthyer orën përpara asaj ngjarje të tmerrshme të 12 qershorit 2021. E gjitha nën duartrokitjet e spektatorëve dhe përqafimet e shokëve të skuadrës. Pas frikës së madhe në Kampionatin Evropian dhe rrezikut për të braktisur futbollin përgjithmonë, Christian Eriksen rimerr përsëri edhe Danimarkën.