Një automjet është djegur mbrëmjen e sotme pranë fshatit Mashkullorë të Gjirokastrës. Policia ka shpërndarë për mediat një njoftim paraprak ku jep detaje për çfarë ka ndodhur. Dyshimet e para thonë se zjarri ka qenë aksidental.
NJOFTIMI I PLOTE
Gjirokastër/Informacion paraprak.
Rreth orës 18:40, në afërsi të rrugës nacionale Gjirokastër-Tepelenë, në vendin e quajtur “Mashkullorë”, në ambientet e biznesit të shtetasit A. P., 43 vjeç, ka marrë flakë dhe është djegur plotësisht automjeti furgon, tip “Benz”, në pronësi të shtetasit të mësipërm. Në momentin e përfshirjes nga flakët automjeti ka qënë i parkuar.
Nga veprimet e para hetimore dyshohet se zjarri është shkaktuar aksidentalisht. Në vendngjarje ndodhet grupi hetimor dhe po punon për sqarimin e rrethanave të situatës.