Christian Eriksen festoi kthimin e tij në fushën e stadiumit Parken në Kopenhagen me golin e tij, 290 ditë pas infarktit të pësuar më 12 qershor, kur u shemb në fushë gjatë ndeshjes së Euro 2020 kundër Finlandës. Në miqësoren kundër Serbisë, mesfushori danez u vendos nga trajneri Kasper Hjulmand nga minuta e parë në fushë dhe me shiritin e kapitenit në krah: ai qëndroi në fushë për 80′, kur u zëvendësua i shoqëruar nga ovacionet rrënqethëse të publikut të tij, të cilëve Eriksen iu përgjigj me një përshëndetje. Danimarka fitoi 3-0: Maehle shënoi në minutën e 15′, dyfishoi Lindstrom në minutën e 18′ të pjesës së dytë dhe trisi i Eriksen u fiksua në minutën e 22′.
Christian Eriksen scoring at the Parken stadium, 290 days after he suffered a cardiac arrest on the very same pitch.
Football. You can't write it.
(via @espnplus) pic.twitter.com/g3PlrHO2Cf
— ESPN FC (@ESPNFC) March 29, 2022
Mesfushori i Brentford u rikthye të mbante veshur fanellën e Danimarkës në miqësoren kundër Holandës dhe e kurorëzoi në mënyrën më të mirë rikthimin e tij në kombëtare: ai hyri në fillim të pjesës së dytë, me rezultatin 3-1 për portokallitë, në vend të Lindstrom, e pasi mori një asist nga Skov Olsen shënoi golin e 3-2 duke mposhtur Flekken me një goditje të saktë nën traversë. Tashmë cikli është mbyllur me golin pikërisht në fushën ku gati 10 muaj më parë ndodhi drama.