Tre persona kanë grabitur filialin e Bankës Kombëtare Tregtare në lagjen Dardania në Prishtinë mëngjesin e sotëm konfirmon policia.
Grabitja është kryer nga tre persona nën kërcënimin e armëve.
“Rreth orës 08:40 është raportuar për një grabitje të ndodhur në filialin e një banke në lagjen Dardania në Prishtinë. Policia ka dalë në vendngjarje dhe nga informacionet e para dyshohet që grabitja është kryer nën kërcënimin e armëve nga tre persona të dyshuar”, ka thënë për mediat zëdhënësja e Policisë së Kosovës për Rajonin e Prishtinës, Florie Ahmeti.