Dy persona kanë rënë në prangat e policisë së Vlorës pasi akuzohen për shitje të lëndëve narkotike.
Policia bën me dije se të arrestuarit janë një 35 vjeçar me iniciale M.Ç., të cilit i janë gjetur dhe sekuestruar një lëndë narkotike e dyshuar kokainë.
Gjithashtu i arrestuar është edhe një 37 vjeçar banues në lagjen “1 Maji”, Vlorë, pasi gjatë kontrollit të banesës nga shërbimet e Policisë, ju gjet dhe sekuestrua një sasi lënde narkotike, e dyshuar Cannabis Sattiva.
“Specialistët e Hetimit të Trafiqeve dhe Narkotikëve arrestuan në flagrancë për veprën penale “Prodhimi dhe shitja e narkotikëve” shtetasin M. Ç., 35 vjeç, banues në lagjen “28 Nëntori”, Vlorë, pasi gjatë kontrollit të automjetit nga shërbimet e Policisë, ju gjet dhe sekuestrua një sasi lënde narkotike, e dyshuar kokainë.
Po nga Specialistët e Hetimit të Trafiqeve dhe Narkotikëve u procedua penalisht për veprën penale ” Prodhimi dhe shitja e narkotikëve”, shtetasi B. P., 37 vjeç, banues në lagjen “1 Maji”, Vlorë, pasi gjatë kontrollit të banesës nga shërbimet e Policisë, ju gjet dhe sekuestrua një sasi lënde narkotike, e dyshuar Cannabis Sattiva”, thuhet në njoftimin e policisë.