Nuredin Dumani ka lënë këtë pasdite ambientet e Spitalit të Traumës, pasi gjendja e tij është përmirësuar.
Ai është transferuar drejt Spitalit të Burgut pranë Qendrës Spitalore Universitare “Nënë Tereza”.
37-vjeçari është ngjitur për të udhëtuar me autoambulancë ndërsa rrethohet nga automjete të shumta të policisë.
Ai do të qëndrojë edhe për disa ditë në Spitalin e Burgut derisa gjendja e tij të rikuperohet plotësisht.
Ndërkohë do të jetë Drejtoria e Përgjithshme e Burgjeve që do të përcaktojë vendin se ku do të qëndrojë një nga më të kërkuarit në vend deri disa ditë më parë.