David Ginola është i çmendur pas Harry Kane. Anglezi ishte një nga protagonistët e mëdhenj në fitoren 5-1 të Tottenham ndaj Neëcastle. 28-vjeçari nuk arriti të shënonte, por me paraqitjen e tij brilante gjithsesi arriti të jetë ndikues gjatë gjithë ndeshjes. I tij ishte asisti për golin e Matt Doherty në fillim të pjesës së dytë. Një paraqitje që mahniti ish-mesfushorin e Spurs, i cili vlerësoi kapitenin e Anglisë pas ndeshjes.
Ginola, duke folur për Sky Sports, e krahasoi anglezin me Diego Armando Maradonën: “Spurs duken shumë të sigurt. Ata po mbështeten në burimet e tyre dhe janë befasues. Regjisori i ri i Spurs është Harry Kane. Tani ai është si Diego Armando Maradona i ri. Pasime të gjata, pasime të shkurtra, ai i ka të gjitha”.
Ish-fantazisti i Spurs beson se një lojtar kaq i kompletuar nuk mund të konkurrojë për vendin e katërt, nuk është mjaftueshëm: “Për një lojtar të kalibrit të tij, të luajë vit pas viti, vetëm për të dalë në katër të parët, nuk mjafton. Nëse në të ardhmen do të ketë propozime për të luajtur në një klub ku mund të fitojë trofe, atje duhet të shkojë. Në fund të karrierës, ajo që shikoni është lista e trofeve që ke fituar. Nëse Spurs fitojnë të gjitha ndeshjet deri në fund të sezonit, ata do të përfundojnë në katër të parët. Sigurisht që varet nga Arsenali, varet nga Chelsea, nga skuadrat e tjera, por ata kanë fatin në duart e tyre”.
Performancë e madhe e Harry Kane, është e vërtetë, por nuk ishte më pak edhe paraqitja e gjithë skuadrës së Antonio Contes, që në fund fitoi 5-1 falë golave të Ben Davies, Matt Doherty, Heung-Min Son, Emerson Royal dhe Steven Bergwijn.