Prezantuesi i Grammy, Trevor Noah krijoi momente pritshmërie në shfaqjen e së dielës mbrëma: Nata më e madhe e muzikës është në thelb një koncert i madh ku sartistët vlerësohen me çmime.
Ishte ashtu, por për shkak të një paraqitjeje në mes të shfaqjes nga presidenti ukrainas Volodymyr Zelensky, i cili foli për muzikantët ukrainas dhe bëri thirrje për mbështetje, gjithçka ra në një kontekst që dukej se i shpëtonte çmimeve Oscar të javës së kaluar.
Për një moment, nata e muzikës dhe festës u ndal dhe fokusi u kthye te pushtimi i vazhdueshëm dhe gjendja e rëndë e popullit ukrainas.
“Lufta, çfarë është e kundërta e muzikës?” tha Zelensky. “Ne mbrojmë lirinë tonë. Të jetojmë. Të duam. Në tokën tonë, ne po luftojmë Rusinë e cila sjell heshtje të tmerrshme me bombat e tyre. Heshtjen e vdekur. Mbushe heshtjen me muzikën tënde! Mbushe heshtjen sot. Për të treguar historinë tonë Trego të vërtetën për luftën.”
Më poshtë të gjitha pikat kryesore të shfaqjes:
FITUESIT
Ishte një natë e madhe për tre artistë në veçanti, të cilët u larguan me katër ÇMIMET më të mëdha të natës.
Jon Batiste fitoi albumin e vitit për “We Are”, Silk Sonic fitoi këngën e vitit për “Leave the Door Open” dhe Olivia Rodrigo u largua si artistja e re më e mirë.
Doja Cat dhe SZA gjithashtu shënuan një fitore të paharrueshme, si për reagimin emocional të Doja Cat.
PERFORMANCAT
Paraqitja e lartpërmendur nga Zelensky ndikoi një performancë nga John Legend, duke kënduar “Free”, ndërsa kishte veshur një kostum blu, një përshëndetje vizuale për vendin e Ukrainës.
Ai shoqërohej në skenë nga këngëtarja ukrainase Mika Newton, muzikantja Siuzanna Igidan dhe poetja Lyuba Yakimchuk në këtë moment emocionues.
Bateristi i Foo Fighters, Taylor Hawkins, u nderua në krye të një segmenti In Memoriam që ishte vendosur në një interpretim mahnitës me katër persona të “Somewhere”, nga muzika “West Side Story”. Rachel Ziegler, Ben Platt, Cynthia Erivo dhe Leslie Odom Jr. së bashku dhanë momentin më mbresëlënës të spektaklit.
BTS doli në skenë për një performacne elektrizuese me hitin e tyre “Butter”. Lil Nas X performoi “Industry Baby” me Jack Harlow. Billie Eilish solli nxehtësinë dhe shiun gjatë një interpretimi të “Happier Than Ever”.
I nominuari 11 herë i këtij viti Batiste gjithashtu tregoi aftësitë e tij në piano mes shumë të tjerave me një version live të “Freedom” që ishte personifikimi i gëzimit.
H.E.R. dhe Lenny Kravitz me Travis Barker në bateri gjithashtu e elektrizuan skenen me një interpretim të “Are You Going to Go My Way”.
Çfarë mund të kërkoni më shumë nga Grammy?
TAPETI I KUQ
Tapeti i kuq rezultoi të ishte një paradë e nxehtw që mund ta shihni vetëm në Grammy. Në kohë normale, Grammy do të ishte mbajtur në janar ose shkurt, disa javë përpara përfundimit të zakonshëm të sezonit të çmimeve Oscar. (Në fakt, nuk ka pasur një Grammy në prill që nga viti 1965.)
Lil Nas X tregoi se perlat janë miku më i mirë i krijuesve të hiteve. Justin Bieber kishte veshur një kostum të krijuar për dy. J Balvin e mbante zemrën në kokë.
Në të vërtetë, meshkujt pa dyshim rrëmbyen vemendjen e shfaqjes së modës këtë vit, por femrat u përfaqësuan fuqishëm në departamentin e vendosjes së trendeve.
©LAPSI.AL