• |
ide | kryesore

Presidenti kroat thirrje Vuçiç: Vendos me kë je, Rusia është shumë larg

-Instant, Arkiva, Lajme, Të fundit

Presidenti i Kroacisë, Zoran Milanoviç ka uruar, të hënën, Aleksandar Vuçiçin dhe Viktor Orbanin, për fitoret e tyre në zgjedhjet në Serbi dhe Hungari, duke i bërë thirrje Serbisë të vendosë për orientimin e saj.

“I përgëzoj fituesit, me gjithë deformimet e demokracisë, nuk jam unë ai që duhet të vendos për këtë, është zgjedhja e qytetarëve dhe i përgëzoj për atë zgjedhje nëse mendojnë se është më e mira për ta, flas pa cinizëm. Ne do të vazhdojmë të punojmë së bashku,” u tha Milanoviç gazetarëve në Zagreb, ku mori pjesë në forumin amerikano-kroat.


Ai theksoi se i ka bërë thirrje Serbisë që të tregojë se ku dëshiron të jetë, sepse Rusia është shumë larg.

“Serbia duhet të vendosë dhe të vendosë nëse është Perëndim. Gjeografikisht është Perëndim tani duhet të vendosë se çfarë është në kuptimin e gjeografisë politike,” theksoi presidenti kroat.

I pyetur se çfarë nëse Beogradi nuk vendos, Milanoviç u përgjigj se do të pasojë “rënia e mëtejshme e Serbisë në kuptimin ekonomik”.

“Përparimi kroat në 30 vjet është një histori e dyfishtë, duke marrë parasysh pritshmëritë e viteve 1990, ne kemi llogaritur se do të jemi të zhvilluar si Spanja, dhe realisht nuk jemi, por jemi dy herë më të zhvilluar se Serbia, që nuk mjafton” theksoi Milanoviç. /GazetaExpress/

4 Comments

  1. Keta po bejne si te fortet e lagjes kur duan sherr..duke i hudh bezine zjarrit.
    Po bejne gare kush te beje protagonistin e konfliktit te rradhes..zelenski wannabe

Lini një Përgjigje

Adresa juaj email s’do të bëhet publike.