Një 54-vjeçar është arrestuar në Itali, për llogari të drejtësisë shqiptare, pasi rezulton i dënuar me 7 vjet burgim për veprën penale “Mashtrimi”. Mësohet se në qytetin e Bergamos në Itali, është kapur shtetasi shqiptar i shpallur në kërkim ndërkombëtar Renato Numani nga Fieri.
Numani ishte dënuar me 7 vjet burgim për veprën penale “Mashtrimi”, pasi në vitin 2015 i ka marrë një shtetasi, nëpërmjet mashtrimit, 10 milionë lekë të reja. Sipas Policisë, ai fshihej prej disa vitesh në Bergamo të Italisë, ku jetonte me familjen e tij.
“Interpol Tirana, në bashkëpunim me Interpol Roma, po vijon punën për plotësimin e dokumentacionit të nevojshëm, me qëllim ekstradimin e këtij shtetasi drejt Shqipërisë”, tha Policia.