Reperi i njohur 50 Cent ka reaguar së fundmi pas përjashtimit të Will Smith nga Oscars për goditjen me shuplakë ndaj Chris Rock.
Menjëherë pas shpalljes së vendimit të premten, reperi sulmoi në Twitter Akademinë se janë treguar të padrejtë.
“Më vjen keq që ia punuan kështu Will,” shkroi ai . “Kjo është shumë e ashpër. Ai nuk mund të kthehet deri në moshën 63 vjeç. Dhe padia as që është ngrejtur ende.”
Pasi bordi i saj i guvernatorëve prej 54 personash mbajti një takim virtual të premten për të përcaktuar se çfarë masash disiplinore duhet të ndërmerren kundër Smith, Akademia e Arteve dhe Shkencave të Filmit njoftoi se aktori të King Richard i ndalohet të marrë pjesë në Oscar për 10 vitet e ardhshme.
“Bordi ka vendosur, për një periudhë 10 vjeçare nga 8 Prilli 2022, z. Smith nuk do të lejohet të marrë pjesë në asnjë ngjarje apo program të Akademisë, personalisht ose virtualisht, duke përfshirë por pa u kufizuar në Çmimet e Akademisë,” tha AMPAS, presidenti David Rubin dhe CEO Dawn Hudson.
Deklarata vazhdoi: “Oscar kishte për qëllim të ishte një festë e shumë individëve në komunitetin tonë që bënë punë të jashtëzakonshme vitin e kaluar; megjithatë, ato momente u lanë në hije nga sjellja e papranueshme dhe e dëmshme që pamë z. Smith të ekspozonte në skenë.”
Menjëherë pas njoftimit të Akademisë, aktori lëshoi një deklaratë të shkurtër të tij, duke thënë: “Unë e pranoj dhe respektoj vendimin e Akademisë”.
Will nuk do t’i hiqet çmimi i aktorit më të mirë dhe ai do të vazhdojë të kualifikohet për nominimet e ardhshme./Lapsi.al